Long Epril 27 2009, ol polis i no kisim tok orait na bin go insait nating long sampela ples klostu long hap we ol i wokim gol long Pogera long Papua Niugini, na rausim ol lain long haus bilong ol. Ol polis i fosim ol famili long ronawe taim ol polis i kukim haus bilong ol. Gavman bilong Papua Niugini i no painim narapela haus bilong ol lain husat i kisim taim, na planti famili nau stap wantaim ol wantok o pren long kisim kaikai na ol narapela helpim. Dispela ripot i askim gavman bilong Papua Niugini long statim wanpela wok painimaut long wok bilong polis long rausim ol lain long haus, long pasin pait bilong polis, kotim ol husat i wokim rong, na kamapim rot long oraitim ol lain i bin kisim taim.
